laKHt-e-dil bikhra jidhar bhi naqsh-e-jaanan ban gaya

laḳht-e-dil bikhrā jidhar bhī naqsh-e-jānāñ ban gayā

ġham izāfe ke liye jaise ki sāmāñ ban gayā

ḳhat jigar ghāyal kare aur phuul Dhaa.e hai sitam

zaḳhm ya.anī ik kurede ik namak-dāñ ban gayā

sirf ik hī dil milā thā ik sitam ye hī huā

aur phir ye bhī sitam vo hī pareshāñ ban gayā

dil kareñ dil maiñ banā.ūñ nuur se ḳhurshed ke

kyā musībat hai kahāñ se ab ye armāñ ban gayā

mas.ala ro.eñge kis ko kyā kareñge ġham sabhī

is jahāñ meñ 'gīt' gar ye ishq āsāñ ban gayā

laKHt-e-dil bikhra jidhar bhi naqsh-e-jaanan ban gaya

gham izafe ke liye jaise ki saman ban gaya

KHat jigar ghayal kare aur phul Dhae hai sitam

zaKHm yani ek kurede ek namak-dan ban gaya

sirf ek hi dil mila tha ek sitam ye hi hua

aur phir ye bhi sitam wo hi pareshan ban gaya

dil karen dil main banaun nur se KHurshed ke

kya musibat hai kahan se ab ye arman ban gaya

masala roenge kis ko kya karenge gham sabhi

is jahan mein 'git' gar ye ishq aasan ban gaya