lamha-e-imkan ko pahlu badalte dekhna

lamha-e-imkān ko pahlū badalte dekhnā

ātish-e-be-ra.png meñ ḳhud ko pighalte dekhnā

ishq meñ ye faisla hai is dil-e-saudā.ī kā

ḳhud ko girte dekhnā us ko sañbhalte dekhnā

iztirāb-e-dard meñ had se guzar jaanā nahīñ

husn-e-shām-e-ārzū kā ruup Dhalte dekhnā

umr-e-be-andāz ko kaafī sahārā ho gayā

ḳhvāb-e-ḳhush-andāz us ke saath chalte dekhnā

reg-e-be-tadbīr meñ parvāz mahv-e-ḳhvāb hai

ik havā-e-tez meñ us ko machalte dekhnā

āsmāñ ai āsmāñ kyā merī qismat meñ nahīñ

us nigah meñ ḳhvāhishoñ kī aag jalte dekhnā

lamha-e-imkan ko pahlu badalte dekhna

aatish-e-be-rapng mein KHud ko pighalte dekhna

ishq mein ye faisla hai is dil-e-saudai ka

KHud ko girte dekhna us ko sanbhalte dekhna

iztirab-e-dard mein had se guzar jaana nahin

husn-e-sham-e-arzu ka rup Dhalte dekhna

umr-e-be-andaz ko kafi sahaara ho gaya

KHwab-e-KHush-andaz us ke sath chalte dekhna

reg-e-be-tadbir mein parwaz mahw-e-KHwab hai

ek hawa-e-tez mein us ko machalte dekhna

aasman ai aasman kya meri qismat mein nahin

us nigah mein KHwahishon ki aag jalte dekhna