لمحہ لمحہ شیون تھا

لمحہ لمحہ شیون تھا

بھیگا بھیگا دامن تھا

کانٹا کانٹا مخزن تھا

بدلا بدلا گلشن تھا

ہریالی تک خشک ہوئی

سوکھا سوکھا ساون تھا

یکجائی نا ممکن تھی

ٹوٹا ٹوٹا بندھن تھا

عکس نہ اپنا دیکھ سکے

ریزہ ریزہ درپن تھا

ویرانے میں پھول کھلے

اجڑا اجڑا گلشن تھا

لحد تھی اپنی صحرا میں

تنہا تنہا مدفن تھا

ہر سو غم کے سائے تھے

سہما سہما بچپن تھا

کوچہ اس کا کاہکشاں

ذرہ ذرہ روشن تھا

ساخرؔ کو سب بھول گئے

اپنا اپنا بد ظن تھا