lamha lamha shumar karta hun

lamha lamha shumār kartā huuñ

aap kā intizār kartā huuñ

ḳhār-zār-e-hayāt meñ rah kar

maiñ bahāroñ se pyaar kartā huuñ

zard chehroñ udaas āñkhoñ par

apnī ḳhushiyāñ nisār kartā huuñ

mujh sā nādān koī kyā hogā

aap par e'tibār kartā huuñ

dekh kar nuur nuur chehroñ ko

mid.hat-e-kirdgār kartā huuñ

koī samjhe na dil kī baat agar

ḳhāmushī iḳhtiyār kartā huuñ

maiñ mohabbat ke naam par 'rif.at'

ġham-nasīboñ se pyaar kartā huuñ

lamha lamha shumar karta hun

aap ka intizar karta hun

KHar-zar-e-hayat mein rah kar

main bahaaron se pyar karta hun

zard chehron udas aankhon par

apni KHushiyan nisar karta hun

mujh sa nadan koi kya hoga

aap par e'tibar karta hun

dekh kar nur nur chehron ko

midhat-e-kirdgar karta hun

koi samjhe na dil ki baat agar

KHamushi iKHtiyar karta hun

main mohabbat ke nam par 'rifat'

gham-nasibon se pyar karta hun