lamha meri giraft mein aaya nikal gaya
lamha mirī giraft meñ aayā nikal gayā
jaise kisī ne haath milāyā nikal gayā
kāñTā sā ik chubhā thā mire dil meñ ḳhauf-e-marg
maiñ ne zarā sā zor lagāyā nikal gayā
shaitān merī zaat ke andar muqīm thā
lobān koTharī meñ jalāyā nikal gayā
jab raat ḳhuub Dhal ga.ī soyā mirā vajūd
kaun-o-makāñ kī sair ko saayā nikal gayā
mujh meñ muqīm shaḳhs musāfir thā dā.imī
sāmān ek roz uThāyā nikal gayā
ik pechdār kiil thā ye sirr-e-kā.enāt
maiñ ne ise pakaḌ ke ghumāyā nikal gayā
lamha meri giraft mein aaya nikal gaya
jaise kisi ne hath milaya nikal gaya
kanTa sa ek chubha tha mere dil mein KHauf-e-marg
main ne zara sa zor lagaya nikal gaya
shaitan meri zat ke andar muqim tha
loban koThari mein jalaya nikal gaya
jab raat KHub Dhal gai soya mera wajud
kaun-o-makan ki sair ko saya nikal gaya
mujh mein muqim shaKHs musafir tha daimi
saman ek roz uThaya nikal gaya
ek pechdar kil tha ye sirr-e-kaenat
main ne ise pakaD ke ghumaya nikal gaya
- Book : Ghazal Calendar-2015 (Pg. 28.02.2015)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
