lamhat gham-e-ishq ke bebak bahut the

lamhāt ġham-e-ishq ke bebāk bahut the

qisse merī chāhat ke ḳhatarnāk bahut the

maiñ ḳhuun ke dhāgoñ se unheñ sī nahīñ paayā

zaḳhmoñ ke garebān mire chaak bahut the

aa.ī hai balā ek falak se gumān thā

jab ġhaur kiyā maiñ ne to aflāk bahut the

aa jaatā hai ḳhud maut ko rah rah ke pasīna

tevar merī hastī ke ġhazabnāk bahut the

duniyā to rahī chāñd sitāroñ kī havas meñ

ambār ḳhazānoñ ke tah-e-ḳhāk bahut the

afkār ke phūloñ ko bhī jab ġhaur se dekhā

kamyāb the gul aur ḳhas-o-ḳhāshāk bahut the

raas aane lagā pairahan-e-ḳhāk bhī ham ko

qudrat ke karishme pas-e-poshāk bahut the

siine meñ añdhere ke thā poshīda saverā

zahroñ ko chhupā.e hue tiryāk bahut the

kuchh logoñ kī rūhoñ pe to qābiz rahā shaitāñ

the ujle libās un ke vo nāpāk bahut the

maiñ thā jo ubhartā gayā 'tauqīr' bhañvar se

hastī meñ merī daldal-o-loshāk bahut the

lamhat gham-e-ishq ke bebak bahut the

qisse meri chahat ke KHatarnak bahut the

main KHun ke dhagon se unhen si nahin paya

zaKHmon ke gareban mere chaak bahut the

aai hai bala ek falak se guman tha

jab ghaur kiya main ne to aflak bahut the

aa jata hai KHud maut ko rah rah ke pasina

tewar meri hasti ke ghazabnak bahut the

duniya to rahi chand sitaron ki hawas mein

ambar KHazanon ke tah-e-KHak bahut the

afkar ke phulon ko bhi jab ghaur se dekha

kamyab the gul aur KHas-o-KHashak bahut the

ras aane laga pairahan-e-KHak bhi hum ko

qudrat ke karishme pas-e-poshak bahut the

sine mein andhere ke tha poshida sawera

zahron ko chhupae hue tiryak bahut the

kuchh logon ki ruhon pe to qabiz raha shaitan

the ujle libas un ke wo napak bahut the

main tha jo ubharta gaya 'tauqir' bhanwar se

hasti mein meri daldal-o-loshak bahut the