lamhe lamhe ki har ek radd-o-badal ka marsiya

lamhe lamhe kī har ik radd-o-badal kā marsiya

kyā hameñ kahnā paḌegā ab ġhazal kā marsiya

haa.e ye kaisī sadī meñ kah rahe haiñ ham ġhazal

jo sadī paḌhtī hai ḳhud ik ek pal kā marsiya

kal jo duniyā meñ hue ham jaise kuchh hassās log

aaj ke ash.ār kahlā.eñge kal kā marsiya

jo bhī zad meñ aaya vo aañsū bahā.egā faqat

mas.ale ban jā.eñge jab apne hal kā marsiya

kaash ye bhī sochte patthar uThāne vaale haath

likhte likhte thak na jaa.eñ peḌ phal kā marsiya

ai ḳhudā ham ko tū aise har amal se baaz rakh

umr bhar paḌhvā.e jo radd-e-amal kā marsiya

aaj tak bhūle na ham 'shāhid' to bhūleñge bhī kyā

tā-qayāmat sabr ke nemul-badal kā marsiya

lamhe lamhe ki har ek radd-o-badal ka marsiya

kya hamein kahna paDega ab ghazal ka marsiya

hae ye kaisi sadi mein kah rahe hain hum ghazal

jo sadi paDhti hai KHud ek ek pal ka marsiya

kal jo duniya mein hue hum jaise kuchh hassas log

aaj ke ashaar kahlaenge kal ka marsiya

jo bhi zad mein aaya wo aansu bahaega faqat

masale ban jaenge jab apne hal ka marsiya

kash ye bhi sochte patthar uThane wale hath

likhte likhte thak na jaen peD phal ka marsiya

ai KHuda hum ko tu aise har amal se baz rakh

umr bhar paDhwae jo radd-e-amal ka marsiya

aaj tak bhule na hum 'shahid' to bhulenge bhi kya

ta-qayamat sabr ke nemul-badal ka marsiya