laraz uTha hai mere dil mein kyun na jaane diya

laraz uThā hai mire dil meñ kyuuñ na jaane diyā

tirā payām to ḳhāmosh sī havā ne diyā

jalā rahā thā mujhe maiñ ne bhī jalāne diyā

ujālā us ne diyā bhī to kis bahāne diyā

abhī kuchh aur Thahar jaatā mere kahne par

vo jaane vaalā thā ḳhud hī so maiñ ne jaane diyā

vo apnī sair ke qisse mujhe sunātā rahā

mujhe to hāl-e-dil us ne kahāñ sunāne diyā

maiñ shukr us kā na kaise adā karūñ jānāñ

shu.ūr mujh ko mohabbat kā jis ḳhudā ne diyā

karam ke pal meñ ye raushan huā ba-hamdillāh

nahīñ bujhegā mirā tujh se ai zamāne diyā

'shumār' sāmne us ke bhī guftugū ke vaqt

jo rañg chehre pe aayā thā maiñ ne aane diyā

laraz uTha hai mere dil mein kyun na jaane diya

tera payam to KHamosh si hawa ne diya

jala raha tha mujhe main ne bhi jalane diya

ujala us ne diya bhi to kis bahane diya

abhi kuchh aur Thahar jata mere kahne par

wo jaane wala tha KHud hi so main ne jaane diya

wo apni sair ke qisse mujhe sunata raha

mujhe to haal-e-dil us ne kahan sunane diya

main shukr us ka na kaise ada karun jaanan

shuur mujh ko mohabbat ka jis KHuda ne diya

karam ke pal mein ye raushan hua ba-hamdillah

nahin bujhega mera tujh se ai zamane diya

'shumar' samne us ke bhi guftugu ke waqt

jo rang chehre pe aaya tha main ne aane diya