lau mere dil ne zara us se lagai hi nahin

lau mire dil ne zarā us se lagā.ī hī nahīñ

maiñ ne chāhat kī kabhī jot jagā.ī hī nahīñ

raushnī ruuh tak aa.ī hai to aa.ī kaise

jab ki us tak to mirī koī rasā.ī hī nahīñ

apnī rau meñ huuñ bahe jaatī huuñ naddī kī tarah

pattharoñ ko maiñ kabhī dhyān meñ laa.ī hī nahīñ

kaise ban jaate haiñ sab kaam ye bigḌe mere

ek nekī to abhī maiñ ne kamā.ī hī nahīñ

ḳhud-ba-ḳhud jhuk ga.iiñ dar par tire nazreñ merī

ye nigah maiñ ne kahīñ aur jhukā.ī hī nahīñ

kaise chup-chāp chale aate haiñ nīñdoñ meñ mirī

maiñ ne ḳhvāboñ ko to āvāz lagā.ī hī nahīñ

us kī ummīd abhī se maiñ lagā luuñ kaise

apnī hastī to abhī maiñ ne miTā.ī hī nahīñ

lau mere dil ne zara us se lagai hi nahin

main ne chahat ki kabhi jot jagai hi nahin

raushni ruh tak aai hai to aai kaise

jab ki us tak to meri koi rasai hi nahin

apni rau mein hun bahe jati hun naddi ki tarah

pattharon ko main kabhi dhyan mein lai hi nahin

kaise ban jate hain sab kaam ye bigDe mere

ek neki to abhi main ne kamai hi nahin

KHud-ba-KHud jhuk gain dar par tere nazren meri

ye nigah main ne kahin aur jhukai hi nahin

kaise chup-chap chale aate hain nindon mein meri

main ne KHwabon ko to aawaz lagai hi nahin

us ki ummid abhi se main laga lun kaise

apni hasti to abhi main ne miTai hi nahin