lauh-e-jahan pe naqsh hai gulzar-e-qahqaha

lauh-e-jahāñ pe naqsh hai gulzār-e-qahqaha

hai saarī kā.enāt taraf-dār-e-qahqaha

pahle yahīñ pe 'ālam-e-nābūd-o-būd thā

kholā huā hai jis jagah bāzār-e-qahqaha

raftār-e-be-ḳhayālī na raftār-e-raushnī

sab se ziyāda tez hai raftār-e-qahqaha

dīvār-e-mehrbānī kā bhī shukriya ki ab

tā'mīr kījiye koī dīvār-e-qahqaha

gard-o-ġhubār-e-husn se lutf-e-jahān tak

sab meñ alag-thalag tirā me'yār-e-qahqaha

masnū'ī zindagī meñ ulajhte hī rah ga.e

varna jahāñ meñ kaun hai bezār-e-qahqaha

lauh-e-jahan pe naqsh hai gulzar-e-qahqaha

hai sari kaenat taraf-dar-e-qahqaha

pahle yahin pe 'alam-e-nabud-o-bud tha

khola hua hai jis jagah bazar-e-qahqaha

raftar-e-be-KHayali na raftar-e-raushni

sab se ziyaada tez hai raftar-e-qahqaha

diwar-e-mehrbani ka bhi shukriya ki ab

ta'mir kijiye koi diwar-e-qahqaha

gard-o-ghubar-e-husn se lutf-e-jahan tak

sab mein alag-thalag tera me'yar-e-qahqaha

masnu'i zindagi mein ulajhte hi rah gae

warna jahan mein kaun hai bezar-e-qahqaha