لوٹ جاتے ہیں مرے گھر سے مرے غم خوار بھی

لوٹ جاتے ہیں مرے گھر سے مرے غم خوار بھی

ان دنوں دنیا سے کچھ رہتا ہوں میں بیزار بھی

ان سے ترک دوستی پر مجھ کو اندازہ نہ تھا

اس قدر اونچی اٹھا دی جائے گی دیوار بھی

اور کچھ دن ہے مرے شانوں پہ اس گردن کا بوجھ

اس نے اپنے ہاتھ میں لے لی ہے اب تلوار بھی

موسم خوش رنگ کا درکار ہے کچھ التفات

تشنہ لب اس بزم میں ساقی بھی ہے مے خوار بھی

کھا گئی ہیں ہجرتیں جب سے مری تازہ غزل

اس کلنڈر میں نظر آتا نہیں اتوار بھی