لوٹ کر جیسے دور شباب آ گیا
لوٹ کر جیسے دور شباب آ گیا
آپ کیا آ گئے انقلاب آ گیا
اس طرح دل کے ارمان پورے ہوئے
نامہ بر لے کے خط کا جواب آ گیا
دیکھنے کو ترستی تھیں آنکھیں جسے
سامنے وہ مرے بے حجاب آ گیا
گلشن دل پہ اک تازگی چھا گئی
بن کے وہ اک مجسم گلاب آ گیا
عالم خواب میں جس کو پڑھتا تھا میں
روئے زیبا کی لے کر کتاب آ گیا
جس کے جانے سے تاریک تھی زندگی
خانۂ دل میں با آب و تاب آ گیا
ذہن ماؤف تھا گنتے گنتے جسے
آج برقیؔ وہ روز حساب آ گیا
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
