لوٹ کے صحراؤں سے چشم تر جائیں گے

لوٹ کے صحراؤں سے چشم تر جائیں گے

اب کے موسم ہم بھی اپنے گھر جائیں گے

اپنا سوچ تو رسوائی تو تیری ہوگی

یار ہمارا کیا ہے ہم تو مر جائیں گے

اتنی وحشت لے کر گھر میں مت جانا

ایسی حالت میں تو بچے ڈر جائیں گے

اتنی سندر ہے وہ عشق تو ہونا ہی تھا

پھر میرے بچے بھی تو اس پر جائیں گے

آنکھوں میں آنسو لے کر مت چھونا ہم کو

ایسے میں تو زخم ہمارے بھر جائیں گے

دیکھو کوئی بستی ہے اس پار ندی کے

چھوڑو اتنی رات میں کس کے گھر جائیں گے