lazzat-e-girya se bhi dil ki KHalish kam to nahin

lazzat-e-girya se bhī dil kī ḳhalish kam to nahīñ

ashk gauhar hī sahī zaḳhm kā marham to nahīñ

ye bhī mumkin hai ġham-e-hijr ġham-e-dahr bane

mushkileñ ishq kī sang-e-rah-e-ādam to nahīñ

ġham atā karke na samjho ki mujhe shaad kiyā

dil meñ sab kuchh hai magar hausla-e-ġham to nahīñ

kārvāñ aur chale aur chale aur chale

rahnumā sāhib-e-manzil hai magar ham to nahīñ

chehra-e-shab pe kuchh anvār-e-sahar haiñ lekin

ham jis ummīd meñ jaage the vo aalam to nahīñ

lazzat-e-girya se bhi dil ki KHalish kam to nahin

ashk gauhar hi sahi zaKHm ka marham to nahin

ye bhi mumkin hai gham-e-hijr gham-e-dahr bane

mushkilen ishq ki sang-e-rah-e-adam to nahin

gham ata karke na samjho ki mujhe shad kiya

dil mein sab kuchh hai magar hausla-e-gham to nahin

karwan aur chale aur chale aur chale

rahnuma sahib-e-manzil hai magar hum to nahin

chehra-e-shab pe kuchh anwar-e-sahar hain lekin

hum jis ummid mein jage the wo aalam to nahin