lazzat-e-‘ishq nahin KHak-basar hone tak

lazzat-e-‘ishq nahīñ ḳhāk-basar hone tak

naubat aa.egī abhī chaak jigar hone tak

tīliyoñ meñ jo sakat hai vo mujhe hai mā'lūm

haañ salāmat hai qafas jumbish-e-par hone tak

chand zarre jinheñ masjūd-e-malak honā thā

kin manāzil se vo guzre haiñ bashar hone tak

ham ne maanā ki shab-e-ġham kī sahar hotī hai

ziist kī shaam na ho jaa.e sahar hone tak

surma-e-chashm banegī usī parvāne kī ḳhaak

zindagī jis kī thī takmīl-e-nazar hone tak

rang-e-mahfil nazar aatā nahīñ kyā 'amn' tumheñ

uTh chalo bazm se āhang-e-digar hone tak

lazzat-e-‘ishq nahin KHak-basar hone tak

naubat aaegi abhi chaak jigar hone tak

tiliyon mein jo sakat hai wo mujhe hai ma'lum

han salamat hai qafas jumbish-e-par hone tak

chand zarre jinhen masjud-e-malak hona tha

kin manazil se wo guzre hain bashar hone tak

hum ne mana ki shab-e-gham ki sahar hoti hai

zist ki sham na ho jae sahar hone tak

surma-e-chashm banegi usi parwane ki KHak

zindagi jis ki thi takmil-e-nazar hone tak

rang-e-mahfil nazar aata nahin kya 'amn' tumhein

uTh chalo bazm se aahang-e-digar hone tak