le chal wahan ab ai dil-e-shorida-sar mujhe

le chal vahāñ ab ai dil-e-shorīda-sar mujhe

un kī hī kuchh ḳhabar ho na apnī ḳhabar mujhe

parda-kushā-e-rāz hai nairangī-e-jamāl

kab tak fareb-e-jalva-e-barq-o-sharar mujhe

kaisā sukūñ ki phir sar-e-vīrāñ meñ josh hai

phir yaad aa rahe haiñ tire bām-o-dar mujhe

dil kyā hai ek 'aks-e-ruḳh-e-husn-e-be-hijāb

ā.īna kyā hai jalva-e-ā.īna-gar mujhe

tum se karūñ maiñ apnī tabāhī kā kyā gila

Duubī hai le ke hasrat-e-dīvāna-gar mujhe

le chal wahan ab ai dil-e-shorida-sar mujhe

un ki hi kuchh KHabar ho na apni KHabar mujhe

parda-kusha-e-raaz hai nairangi-e-jamal

kab tak fareb-e-jalwa-e-barq-o-sharar mujhe

kaisa sukun ki phir sar-e-viran mein josh hai

phir yaad aa rahe hain tere baam-o-dar mujhe

dil kya hai ek 'aks-e-ruKH-e-husn-e-be-hijab

aaina kya hai jalwa-e-aina-gar mujhe

tum se karun main apni tabahi ka kya gila

Dubi hai le ke hasrat-e-diwana-gar mujhe