le dam-e-nigah-e-yar aaya

le dām-e-nigāh-e-yār aayā

karne kuuñ mujhe shikār aayā

kyuuñ aave na mujh badan suuñ ḳhush baas

mujh bar meñ vo gul-izār aayā

ḳhat dekh tere ruḳh uupar āġhāz

ā.īna uupar ġhubār aayā

jis baaj thī dil kuuñ be-qarārī

vo dil kā mire qarār aayā

zāhid ne apas kā zohd taqvā

kūche meñ tere bisār aayā

niklā hai raqīb-e-gul-badan saat

le gul kī panāh ḳhaar aayā

mujh parda-e-dil pe saaz kar ġham

ho naala merā sitār aayā

shabnam nahīñ har sahar ai 'dā.ūd'

tujh ġham suuñ gul-e-ashk-bār aayā

le dam-e-nigah-e-yar aaya

karne kun mujhe shikar aaya

kyun aawe na mujh badan sun KHush bas

mujh bar mein wo gul-izar aaya

KHat dekh tere ruKH upar aaghaz

aaina upar ghubar aaya

jis baj thi dil kun be-qarari

wo dil ka mere qarar aaya

zahid ne apas ka zohd taqwa

kuche mein tere bisar aaya

nikla hai raqib-e-gul-badan sat

le gul ki panah KHar aaya

mujh parda-e-dil pe saz kar gham

ho nala mera sitar aaya

shabnam nahin har sahar ai 'daud'

tujh gham sun gul-e-ashk-bar aaya