le uDe phul se KHushbu ko faza mahkae

le uḌe phuul se ḳhushbū ko fazā mahkā.e

koī kar ke to ye dikhlā.e magar tum sā kahāñ

merā ḳhāmosh sā lahja bhī bahut boltā hai

bin kahe jaan vo sab jaa.e magar tum sā kahāñ

merī parvāz pe nāzāñ jo mire saath uḌe

ho mirī tāqat-e-parvāz magar tum sā kahāñ

kho ke tujh ko tire paane meñ bahut haiñ bhaTke

gard ahbāb bahut haa.e magar tum sā kahāñ

merī har bhuul pe pyaar aa.e jise bachchoñ sā

kaan khīñche mujhe samjhā.e magar tum sā kahāñ

zindagī merī thī aur us ko 'jiyā' auroñ ne

mujh ko pal mere jo lauTā.e magar tum sā kahāñ

le uDe phul se KHushbu ko faza mahkae

koi kar ke to ye dikhlae magar tum sa kahan

mera KHamosh sa lahja bhi bahut bolta hai

bin kahe jaan wo sab jae magar tum sa kahan

meri parwaz pe nazan jo mere sath uDe

ho meri taqat-e-parwaz magar tum sa kahan

kho ke tujh ko tere pane mein bahut hain bhaTke

gard ahbab bahut hae magar tum sa kahan

meri har bhul pe pyar aae jise bachchon sa

kan khinche mujhe samjhae magar tum sa kahan

zindagi meri thi aur us ko 'jiya' auron ne

mujh ko pal mere jo lauTae magar tum sa kahan