libas us ka alamat ki tarah tha

libās us kā alāmat kī tarah thā

badan raushan ibārat kī tarah thā

fazā saiqal samā.at kī tarah thī

sukūt us kā amānat kī tarah thā

adā mauj-e-tajassus kī tarah thī

nafas ḳhushbū kī shohrat kī tarah thā

bisāt-e-rañg thī muTThī meñ us kī

qadam us kā bashārat kī tarah thā

gurezāñ aañkh dāvat kī tarah thī

takalluf ik ināyat kī tarah thā

ḳhalish bedār nashshe kī tarah thī

ragoñ meñ ḳhuuñ musībat kī tarah thā

tasavvur par hinā bikhrī huī thī

samāñ āġhosh-e-ḳhalvat kī tarah thā

havas andhī zarūrat kī tarah thī

vo ḳhud daa.im mohabbat kī tarah thā

vahī uslūb-e-sāda sharh-e-dil kā

kisī zinda rivāyat kī tarah thā

libas us ka alamat ki tarah tha

badan raushan ibarat ki tarah tha

faza saiqal samaat ki tarah thi

sukut us ka amanat ki tarah tha

ada mauj-e-tajassus ki tarah thi

nafas KHushbu ki shohrat ki tarah tha

bisat-e-rang thi muTThi mein us ki

qadam us ka bashaarat ki tarah tha

gurezan aankh dawat ki tarah thi

takalluf ek inayat ki tarah tha

KHalish bedar nashshe ki tarah thi

ragon mein KHun musibat ki tarah tha

tasawwur par hina bikhri hui thi

saman aaghosh-e-KHalwat ki tarah tha

hawas andhi zarurat ki tarah thi

wo KHud daim mohabbat ki tarah tha

wahi uslub-e-sada sharh-e-dil ka

kisi zinda riwayat ki tarah tha