lihaz karte adab ehtiram karte hue

lihāz karte adab ehtirām karte hue

guzar rahā huuñ mohabbat ko aam karte hue

ye raat aa ke mujhe phir se joḌ detī hai

maiñ TuuT jaatā huuñ din iḳhtitām karte hue

baġhair zād-e-safar ham pahuñch ga.e manzil

bhaTakte girte sambhalte qayām karte hue

kisī kā koī bhī kirdār rah na jaa.e kahīñ

ḳhayāl rakhnā kahānī tamām karte hue

mirā zamīr malāmat kare hai yuuñ mujh par

mujhe jo dekhe hai tujh ko salām karte hue

ye mere pusta-e-jāñ meñ shigāf the lekin

kisī ne dekhā nahīñ rok thaam karte hue

vo baat baat pe nārāz hone lagtā hai

so ḳhauf aatā hai us se kalām karte hue

koī mazāq nahīñ umr bhar kī mehnat ko

kaleja chāhiye ġhairoñ ke naam karte hue

lihaz karte adab ehtiram karte hue

guzar raha hun mohabbat ko aam karte hue

ye raat aa ke mujhe phir se joD deti hai

main TuT jata hun din iKHtitam karte hue

baghair zad-e-safar hum pahunch gae manzil

bhaTakte girte sambhalte qayam karte hue

kisi ka koi bhi kirdar rah na jae kahin

KHayal rakhna kahani tamam karte hue

mera zamir malamat kare hai yun mujh par

mujhe jo dekhe hai tujh ko salam karte hue

ye mere pusta-e-jaan mein shigaf the lekin

kisi ne dekha nahin rok tham karte hue

wo baat baat pe naraaz hone lagta hai

so KHauf aata hai us se kalam karte hue

koi mazaq nahin umr bhar ki mehnat ko

kaleja chahiye ghairon ke nam karte hue