lijiye humse ba-kamal log bhi aam ho gae

lījiye ham se bā-kamāl log bhī aam ho ga.e

jin se gurez thā hameñ ham se vo kaam ho ga.e

aap keī badduā-e-dil āḳhir asar dikhā ga.ī

ham ko bhī ishq ho gayā ham bhī ġhulām ho ga.e

chādar-e-ehtiyāt aaj sar se havā jo le uḌī

zulf ke saare pech-o-ḳham manzar-e-ām ho ga.e

bāġh-e-badan meñ har taraf kaliyāñ chaTak chaTak ga.iiñ

bād-e-sabā chalī to ham ḳhushbū ḳhirām ho ga.e

aap se aap chhaT ga.e abr-e-ghaner hijr ke

ham bhī shab-e-siyāh se māh-e-tamām ho ga.e

mo.ajiza ye nahīñ to kyā nazreñ milīñ na baat keī

phir bhī salām ho ga.e phir bhī payām ho ga.e

ye kār-e-ishq kā safar aise 'alīnā' tai huā

dil un kā ham ne rakh liyā ḳhud un ke naam ho ga.e

lijiye hum se ba-kamal log bhi aam ho gae

jin se gurez tha hamein hum se wo kaam ho gae

aap kei baddua-e-dil aaKHir asar dikha gai

hum ko bhi ishq ho gaya hum bhi ghulam ho gae

chadar-e-ehtiyat aaj sar se hawa jo le uDi

zulf ke sare pech-o-KHam manzar-e-am ho gae

bagh-e-badan mein har taraf kaliyan chaTak chaTak gain

baad-e-saba chali to hum KHushbu KHiram ho gae

aap se aap chhaT gae abr-e-ghaner hijr ke

hum bhi shab-e-siyah se mah-e-tamam ho gae

moajiza ye nahin to kya nazren milin na baat kei

phir bhi salam ho gae phir bhi payam ho gae

ye kar-e-ishq ka safar aise 'alina' tai hua

dil un ka hum ne rakh liya KHud un ke nam ho gae