likh diya apne dar pe kisi ne is jagah pyar karna mana hai

likh diyā apne dar pe kisī ne is jagah pyaar karnā manā hai

pyaar agar ho bhī jaa.e kisī ko us kā iz.hār karnā manā hai

un kī mahfil meñ jab koī jaa.e pahle nazreñ vo apnī jhukā.e

vo sanam jo ḳhudā ban ga.e haiñ un kā dīdār karnā manā hai

jaag uTThe to aaheñ bhareñge husn vāloñ ko rusvā kareñge

so ga.e haiñ jo furqat ke maare un ko bedār karnā manā hai

ham ne kī arz ai banda-parvar kyuuñ sitam Dhā rahe ho yuuñ ham par

baat sun kar hamārī vo bole ham se takrār karnā manā hai

sāmne jo khulā hai jharoka khā na jaanā 'qatīl' un kā dhokā

ab bhī apne liye us galī meñ shauq-e-dīdār karnā manā hai

likh diya apne dar pe kisi ne is jagah pyar karna mana hai

pyar agar ho bhi jae kisi ko us ka izhaar karna mana hai

un ki mahfil mein jab koi jae pahle nazren wo apni jhukae

wo sanam jo KHuda ban gae hain un ka didar karna mana hai

jag uTThe to aahen bharenge husn walon ko ruswa karenge

so gae hain jo furqat ke mare un ko bedar karna mana hai

hum ne ki arz ai banda-parwar kyun sitam Dha rahe ho yun hum par

baat sun kar hamari wo bole hum se takrar karna mana hai

samne jo khula hai jharoka kha na jaana 'qatil' un ka dhoka

ab bhi apne liye us gali mein shauq-e-didar karna mana hai