likha jo ashk se tahrir mein nahin aaya
likhā jo ashk se tahrīr meñ nahīñ aayā
vo dard lafz kī tafsīr meñ nahīñ aayā
abhī kuchh aur jakaḌ dushmanī kī bandish meñ
lahū kā zā.iqa zanjīr meñ nahīñ aayā
ho dard halkā to jhūTī ḳhushī bhī mil jaa.e
ik aisā lamha bhī taqdīr meñ nahīñ aayā
kisī ke hijr ne muflis banā diyā shāyad
palaT ke apnī vo jāgīr meñ nahīñ aayā
vo merī āñkhoñ pe qābiz rahā 'siyā' lekin
kisī bhī ḳhvāb kī ta.abīr meñ nahīñ aayā
likha jo ashk se tahrir mein nahin aaya
wo dard lafz ki tafsir mein nahin aaya
abhi kuchh aur jakaD dushmani ki bandish mein
lahu ka zaiqa zanjir mein nahin aaya
ho dard halka to jhuTi KHushi bhi mil jae
ek aisa lamha bhi taqdir mein nahin aaya
kisi ke hijr ne muflis bana diya shayad
palaT ke apni wo jagir mein nahin aaya
wo meri aankhon pe qabiz raha 'siya' lekin
kisi bhi KHwab ki tabir mein nahin aaya
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
