likhi hui jo tabahi hai us se kya jata

Aziz Hamid Madni

likhi hui jo tabahi hai us se kya jata

Aziz Hamid Madni

MORE BY Aziz Hamid Madni

    likhī huī jo tabāhī hai us se kyā jaatā

    havā ke ruḳh pe magar kuchh to nāḳhudā jaatā

    jo baat dil meñ thī us se nahīñ kahī ham ne

    vafā ke naam se vo bhī fareb khā jaatā

    kashīd-e-mai pe hai kaisā fasād hākim-e-shahr

    tirī girah se hai kyā banda-e-ḳhudā jaatā

    ḳhudā shukr hai ne bhī maan mirī baat

    rafū purāne dukhoñ par nahīñ kiyā jaatā

    misāl-e-barq jo ḳhvāb-e-junūñ meñ chamkī thī

    us āgahī ke ta.āqub meñ huuñ chalā jaatā

    libās-e-tāza ke ḳhvāhāñ hue haiñ zarra o sañg

    ik aa.ina hai koī duur se dikhā jaatā

    ajab tamāsha-e-sahrā hai chāk-e-mahmil par

    ġhubār-e-qais hai parda koī girā jaatā

    jo aag bujh na sakegī usī ke dāman meñ

    har ek shahr hai ījād basā jaatā

    likhi hui jo tabahi hai us se kya jata

    hawa ke ruKH pe magar kuchh to naKHuda jata

    jo baat dil mein thi us se nahin kahi hum ne

    wafa ke nam se wo bhi fareb kha jata

    kashid-e-mai pe hai kaisa fasad hakim-e-shahr

    teri girah se hai kya banda-e-KHuda jata

    KHuda ka shukr hai tu ne bhi man li meri baat

    rafu purane dukhon par nahin kiya jata

    misal-e-barq jo KHwab-e-junun mein chamki thi

    us aagahi ke taaqub mein hun chala jata

    libas-e-taza ke KHwahan hue hain zarra o sang

    ek aaina hai koi dur se dikha jata

    ajab tamasha-e-sahra hai chaak-e-mahmil par

    ghubar-e-qais hai parda koi gira jata

    jo aag bujh na sakegi usi ke daman mein

    har ek shahr hai ijad ka basa jata

    Source:

    • Book: Kulliyat-e-Aziz Hamid Madni (Pg. 478)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites