likhun firaq ki gar wardat wasli par

likhūñ firāq kī gar vārdāt vaslī par

judā judā huuñ tapāñ mufridāt vaslī par

likhā thā maiñ ne jo baḳht-e-siyāh kā ahvāl

girī siyāhī kī āḳhir davāt vaslī par

hamāre yaar ne tiflī meñ bhī sivā.e sitam

likhā nahīñ raqam-e-iltifāt vaslī par

ye baat nikle hai andāz se ki ab 'mārūf'

likhegā us lab-e-shīrīñ kī baat vaslī par

likhun firaq ki gar wardat wasli par

juda juda hun tapan mufridat wasli par

likha tha main ne jo baKHt-e-siyah ka ahwal

giri siyahi ki aaKHir dawat wasli par

hamare yar ne tifli mein bhi siwae sitam

likha nahin raqam-e-iltifat wasli par

ye baat nikle hai andaz se ki ab 'maruf'

likhega us lab-e-shirin ki baat wasli par