lipTi hui phirti hai nasim unki qaba se

lipTī huī phirtī hai nasīm un kī qabā se

gul khilte haiñ har gaam pe dāman kī havā se

dil aisā diyā kyuuñ ki rahā kushta-a-jānāñ

tum se nahīñ ye shikva bhī karnā hai ḳhudā se

mahram haiñ hamīñ garmī-e-guftār se un kī

jo hoñT jo āñkheñ haiñ girāñ-bār hayā se

āhista karo chaak gulo apnā garebāñ

gūñje na chaman ġhunchoñ ke hañsne kī sadā se

kholeñge unhīñ hāthoñ ke nāḳhun girah-e-dil

jo basta haiñ rañgīnī-o-ḳhushbū-e-hinā se

ta.abīr ke sahrāoñ meñ haiñ ḳhvāb-e-pareshāñ

dariyā ko sarāboñ se sadā dete haiñ pyāse

lete ho agar nām-e-shahīdāñ to hai ye shart

jaañ jaa.e rahe pā na haTeñ rāh-e-vafā se

lipTi hui phirti hai nasim un ki qaba se

gul khilte hain har gam pe daman ki hawa se

dil aisa diya kyun ki raha kushta-a-jaanan

tum se nahin ye shikwa bhi karna hai KHuda se

mahram hain hamin garmi-e-guftar se un ki

jo honT jo aankhen hain giran-bar haya se

aahista karo chaak gulo apna gareban

gunje na chaman ghunchon ke hansne ki sada se

kholenge unhin hathon ke naKHun girah-e-dil

jo basta hain rangini-o-KHushbu-e-hina se

tabir ke sahraon mein hain KHwab-e-pareshan

dariya ko sarabon se sada dete hain pyase

lete ho agar nam-e-shahidan to hai ye shart

jaan jae rahe pa na haTen rah-e-wafa se