liye phirta hai KHun-alud kab tak pairahan aaKHir

liye phirtā hai ḳhūñ-ālūd kab tak pairahan āḳhir

milegā baad marne ke safeda ik kafan āḳhir

na aa.e mujh se kyūñkar ḳhushbū-e-mushk-e-hiran āḳhir

chhuā thā sandalī hāthoñ se us ne ye badan āḳhir

machā ik ran hai duniyā meñ nihatthā shaḳhs huuñ maiñ yaañ

jiyūñ kaise rahūñ kab tak yahāñ maiñ ḳhema-zan āḳhir

uḌā hai fāḳhta jab se ye DyoḌhī se mire ghar kī

palaT ke aa ga.ī vāpas mire ghar kī ghuTan āḳhir

phaphak kar ro rahe yuuñ ye tum kyoñ mar nahīñ jaate

nahīñ maiñ mar nahīñ saktā nahīñ huuñ kohkan āḳhir

kisī bhī aadmī ko pheñk do gar ḳhushk kuñ.eñ meñ

nikal saktā nahīñ hai vo sivā.e mojazan āḳhir

kahe jaatī hai ūdhau se ye ro ro kar ke har gopī

batā ab kab satā.eñge mujhe mere kishan āḳhir

mire siine meñ ik laḌkī kahīñ par dafn hai yaaro

bhulā.ūñ maiñ use kaise karūñ kitne jatan āḳhir

kisī ko chaah nahīñ saktā huuñ maiñ us ke sivā 'hāmid'

ye jaadū mantaroñ kā hai vo Thahrī barahna āḳhar

liye phirta hai KHun-alud kab tak pairahan aaKHir

milega baad marne ke safeda ek kafan aaKHir

na aae mujh se kyunkar KHushbu-e-mushk-e-hiran aaKHir

chhua tha sandali hathon se us ne ye badan aaKHir

macha ek ran hai duniya mein nihattha shaKHs hun main yan

jiyun kaise rahun kab tak yahan main KHema-zan aaKHir

uDa hai faKHta jab se ye DyoDhi se mere ghar ki

palaT ke aa gai wapas mere ghar ki ghuTan aaKHir

phaphak kar ro rahe yun ye tum kyon mar nahin jate

nahin main mar nahin sakta nahin hun kohkan aaKHir

kisi bhi aadmi ko phenk do gar KHushk kunen mein

nikal sakta nahin hai wo siwae mojazan aaKHir

kahe jati hai udhau se ye ro ro kar ke har gopi

bata ab kab sataenge mujhe mere kishan aaKHir

mere sine mein ek laDki kahin par dafn hai yaro

bhulaun main use kaise karun kitne jatan aaKHir

kisi ko chah nahin sakta hun main us ke siwa 'hamid'

ye jadu mantaron ka hai wo Thahri barahna aaKHar