lo dil-e-be-zaban TuT gaya

lo dil-e-be-zabān TuuT gayā

kāñch kā thā makān TuuT gayā

dil ye shāyad khilaune jaisā thā

khel ke darmiyān TuuT gayā

chhoḌ kar maañ ko kyā mile jannat

pahlā hī pā.edān TuuT gayā

aise maare ga.e javāñ faujī

jaise hindostān TuuT gayā

godiyāñ maañ kī ho ga.iiñ suunī

māmtā kā jahān TuuT gayā

dekh pulvāmā qalb-e-muztar par

yuuñ lagā āsmān TuuT gayā

chaar sū ḳhalfashār barpā hai

koh-e-amn-o-amān TuuT gayā

bhaa.ī kā bhaa.ī ho gayā dushman

kyā ye bhārat mahān TuuT gayā

vo jo qismat kā ik sitāra thā

kah ke shab kī azaan TuuT gayā

dekh 'haidar' siyāsatī sāzish

des kā naujavān TuuT gayā

lo dil-e-be-zaban TuT gaya

kanch ka tha makan TuT gaya

dil ye shayad khilaune jaisa tha

khel ke darmiyan TuT gaya

chhoD kar man ko kya mile jannat

pahla hi paedan TuT gaya

aise mare gae jawan fauji

jaise hindostan TuT gaya

godiyan man ki ho gain suni

mamta ka jahan TuT gaya

dekh pulwama qalb-e-muztar par

yun laga aasman TuT gaya

chaar su KHalfashaar barpa hai

koh-e-amn-o-aman TuT gaya

bhai ka bhai ho gaya dushman

kya ye bhaarat mahan TuT gaya

wo jo qismat ka ek sitara tha

kah ke shab ki azan TuT gaya

dekh 'haidar' siyasati sazish

des ka naujawan TuT gaya