log bhuke hain bahut aur niwale kam hain
log bhūke haiñ bahut aur nivāle kam haiñ
zindagī tere charāġhoñ meñ ujāle kam haiñ
bad-sulūkī bhī nikal aa.ī hai zindānoñ se
bad-zabānoñ kī zabānoñ pe bhī taale kam haiñ
mai-kashī ke liye nāyāb haiñ jo sadiyoñ se
chashm-e-sāqī ne vahī jaam uchhāle kam haiñ
tū ne buzdil to banā.e haiñ bahut se lekin
mire mālik tirī duniyā meñ jiyāle kam haiñ
rāh-e-pur-ḳhār se Dartā hai abhī tū 'āzar'
aisā lagtā hai tere paaoñ meñ chhāle kam haiñ
log bhuke hain bahut aur niwale kam hain
zindagi tere charaghon mein ujale kam hain
bad-suluki bhi nikal aai hai zindanon se
bad-zabanon ki zabanon pe bhi tale kam hain
mai-kashi ke liye nayab hain jo sadiyon se
chashm-e-saqi ne wahi jam uchhaale kam hain
tu ne buzdil to banae hain bahut se lekin
mere malik teri duniya mein jiyale kam hain
rah-e-pur-KHar se Darta hai abhi tu 'azar'
aisa lagta hai tere paon mein chhaale kam hain
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
