log duniya mein hain sab aag lagane wale

log duniyā meñ haiñ sab aag lagāne vaale

ek ham hī haiñ faqat aag bujhāne vaale

ham to har baat meñ haiñ sab ko hañsāne vaale

raat bhar jaag ke duniyā ko sulāne vaale

aadmī ham ko rulāne ko tule haiñ lekin

ḳhud hī ro dete haiñ vo ham ko rulāne vaale

vo chale aaj to kal ham bhī chale jā.eñge

vo ga.e din ko to ham raat ko jaane vaale

thī vo kuchh dāstāñ aisī ki sunā.ī ro kar

varna ham to nahīñ kuchh ro ke sunāne vaale

ġhota-zan pā hī ga.e gauhar-e-maqsad 'sāqī'

ḳhaak malte hī rahe ḳhaak uḌāne vaale

log duniya mein hain sab aag lagane wale

ek hum hi hain faqat aag bujhane wale

hum to har baat mein hain sab ko hansane wale

raat bhar jag ke duniya ko sulane wale

aadmi hum ko rulane ko tule hain lekin

KHud hi ro dete hain wo hum ko rulane wale

wo chale aaj to kal hum bhi chale jaenge

wo gae din ko to hum raat ko jaane wale

thi wo kuchh dastan aisi ki sunai ro kar

warna hum to nahin kuchh ro ke sunane wale

ghota-zan pa hi gae gauhar-e-maqsad 'saqi'

KHak malte hi rahe KHak uDane wale