log jab apni haqiqat jaanne lag jaenge

log jab apnī haqīqat jānñe lag jā.eñge

zindagī se zindagī ko māñgne lag jā.eñge

duur kariye āstīnoñ se unheñ varna zarūr

ek din ye saañp sar pe nāchne lag jā.eñge

ret ho yā raakh ho barbād mat kariye ise

kyā pata kab log un ko phāñkne lag jā.eñge

is zamāne kā chalan badlegā us din dekhnā

aag jab ham muTThiyoñ meñ bāñdhne lag jā.eñge

piiTh ke kūbaḌ kahāñ le jā.eñge vo dosto

ā.inoñ ke sāmne jab aa.ine lag jā.eñge

kyā kareñ zikr-e-vafā 'pīyūsh' ab is daur meñ

hai ye mumkin log baġhleñ jhāñkne lag jā.eñge

log jab apni haqiqat jaanne lag jaenge

zindagi se zindagi ko mangne lag jaenge

dur kariye aastinon se unhen warna zarur

ek din ye sanp sar pe nachne lag jaenge

ret ho ya rakh ho barbaad mat kariye ise

kya pata kab log un ko phankne lag jaenge

is zamane ka chalan badlega us din dekhna

aag jab hum muTThiyon mein bandhne lag jaenge

piTh ke kubaD kahan le jaenge wo dosto

aainon ke samne jab aaine lag jaenge

kya karen zikr-e-wafa 'piyush' ab is daur mein

hai ye mumkin log baghlen jhankne lag jaenge