log jo sahab-e-kirdar hua karte the

log jo sāhab-e-kirdār huā karte the

bas vahī qābil-e-dastār huā karte the

ye alag baat vo thā daur-e-jahālat lekin

log an-paḌh bhī samajhdār huā karte the

sāmne aa ke nibhāte the adāvat apnī

piiTh pīchhe se kahāñ vaar huā karte the

jin qabīloñ meñ yahāñ aaj diye haiñ raushan

un qabīloñ ke to sardār huā karte the

tab adālat se ri.āyat nahīñ mil paatī thiiñ

tab gunahgār gunahgār huā karte the

kyā zamāna thā mahaktī thiiñ vo kyārī ghar kī

ghar ke āñgan gul-o-gulzār huā karte the

qaid maz.hab kī na thī kal ke paḌosī donoñ

ek duuje ke madad-gār huā karte the

ghar ke sab log nibhāte the ḳhushī se jin ko

ghar ke har fard ke kirdār huā karte the

log jo sahab-e-kirdar hua karte the

bas wahi qabil-e-dastar hua karte the

ye alag baat wo tha daur-e-jahaalat lekin

log an-paDh bhi samajhdar hua karte the

samne aa ke nibhate the adawat apni

piTh pichhe se kahan war hua karte the

jin qabilon mein yahan aaj diye hain raushan

un qabilon ke to sardar hua karte the

tab adalat se riayat nahin mil pati thin

tab gunahgar gunahgar hua karte the

kya zamana tha mahakti thin wo kyari ghar ki

ghar ke aangan gul-o-gulzar hua karte the

qaid mazhab ki na thi kal ke paDosi donon

ek duje ke madad-gar hua karte the

ghar ke sab log nibhate the KHushi se jin ko

ghar ke har fard ke kirdar hua karte the