log kahte hain bahut zinda-o-painda hun

log kahte haiñ bahut zinda-o-pā.inda huuñ

kis ko mālūm hai ye sach ki tirā kushta huuñ

zindagī naam tanaffus kā nahīñ hai jānāñ

shikva be-jā hai ki bin tere bhī maiñ zinda huuñ

maar hī detī mujhe terī ye furqat lekin

kab tirī yaad ne chhoḌā hai ki maiñ tanhā huuñ

hai bajā terī judā.ī meñ to mar jaanā thā

maiñ magar hijr meñ bhī vasl se vābasta huuñ

marne jiine kā sabab ḳhuub hai ma.alūm mujhe

sard-mehrī hai kisī kī jo maiñ ik lāsha huuñ

be-ruḳhī kā hai vo ik sañg faqat sañg hai vo

aur maiñ us ke liye shīsha faqat shīsha huuñ

vo ki hai mere liye ātish-e-dil ai 'ḳhālid'

maiñ magar us ke liye sirf dhueñ jaisā huuñ

log kahte hain bahut zinda-o-painda hun

kis ko malum hai ye sach ki tera kushta hun

zindagi nam tanaffus ka nahin hai jaanan

shikwa be-ja hai ki bin tere bhi main zinda hun

mar hi deti mujhe teri ye furqat lekin

kab teri yaad ne chhoDa hai ki main tanha hun

hai baja teri judai mein to mar jaana tha

main magar hijr mein bhi wasl se wabasta hun

marne jine ka sabab KHub hai malum mujhe

sard-mehri hai kisi ki jo main ek lasha hun

be-ruKHi ka hai wo ek sang faqat sang hai wo

aur main us ke liye shisha faqat shisha hun

wo ki hai mere liye aatish-e-dil ai 'KHalid'

main magar us ke liye sirf dhuen jaisa hun