log kahte hain ek sada hun main

log kahte haiñ ik sadā huuñ maiñ

ḳhair ḳhud hī meñ gūñjtā huuñ maiñ

aañkh jaise ka.ī darīcha hai

aur andar se jhāñktā huuñ maiñ

tū ne chāhā thā gher le mujh ko

dekh bāhoñ meñ aa gayā huuñ maiñ

apne saa.e se pūchh letā huuñ

kyā tire saath chal rahā huuñ maiñ

terī bātoñ meñ ho gayā huuñ gum

apnī āvāz kho chukā huuñ maiñ

is kināre se us kināre tak

apnī manzil ko tāktā huuñ maiñ

us se ab kyā shikāyateñ hoñ asar

jis se fariyād kar rahā huuñ maiñ

log kahte hain ek sada hun main

KHair KHud hi mein gunjta hun main

aankh jaise kai daricha hai

aur andar se jhankta hun main

tu ne chaha tha gher le mujh ko

dekh bahon mein aa gaya hun main

apne sae se puchh leta hun

kya tere sath chal raha hun main

teri baaton mein ho gaya hun gum

apni aawaz kho chuka hun main

is kinare se us kinare tak

apni manzil ko takta hun main

us se ab kya shikayaten hon asar

jis se fariyaad kar raha hun main