log KHwahan the so dil ho gaya kangal mera

log ḳhvāhāñ the so dil ho gayā kañgāl mirā

tum bhī ḳhush dekh ke ho jaao burā haal mirā

ishq kī rū se to maiñ qais kā ham-zulf huā

jab vahī dasht-e-junūñ Thahrā hai susrāl mirā

muñh banā.e hue kyoñ pīchhe paḌī hai duniyā

pahle hī dil ġham-e-furqat se hai pāmāl mirā

hai ravāñ merī tabī.at meñ mohabbat aise

jazb hotā hai kisī zarf meñ sayyāl mirā

rul gayā chāh-e-zanaḳhdāñ ke tilismāt meñ dil

ġham-e-daurāñ se to biikā na huā baal mirā

apnī tadbīr kī ḳhāmī pe maiñ sar dhuntā huuñ

hāl-e-bad par koī mauqaf nahīñ filhāl mirā

har qadam ek na.ī jang ke mutarādif hai

pichhle har saal se sangīn hai ye saal mirā

'sarfarāz' apne zamāne ko moharram na kahūñ

koī ramzān mubārak hai na shavvāl mirā

log KHwahan the so dil ho gaya kangal mera

tum bhi KHush dekh ke ho jao bura haal mera

ishq ki ru se to main qais ka ham-zulf hua

jab wahi dasht-e-junun Thahra hai susral mera

munh banae hue kyon pichhe paDi hai duniya

pahle hi dil gham-e-furqat se hai pamal mera

hai rawan meri tabiat mein mohabbat aise

jazb hota hai kisi zarf mein sayyal mera

rul gaya chah-e-zanaKHdan ke tilismat mein dil

gham-e-dauran se to bika na hua baal mera

apni tadbir ki KHami pe main sar dhunta hun

haal-e-bad par koi mauqaf nahin filhaal mera

har qadam ek nai jang ke mutaradif hai

pichhle har sal se sangin hai ye sal mera

'sarfaraaz' apne zamane ko moharram na kahun

koi ramzan mubarak hai na shawwal mera