log ki jinko tha bahut zom-e-wajud shahr mein

log ki jin ko thā bahut zom-e-vajūd shahr meñ

phail ke rah ga.e faqat sūrat-e-dūd shahr meñ

ham se jahāñ anek the bad the vahī ki nek the

sach hī to hai ki ek the būd-o-nabūd shahr meñ

tañgī-e-rizq kā gilā jin ko yahāñ sadā rahā!

toḌ ke dekhte zarā apnī hudūd shahr meñ

itne baras ke ba.ad bhī log haiñ ham se ajnabī

jaane huā thā kis ghaḌī apnā varūd shahr meñ

rāh-e-amal pe gher ke ḳhud ko hī laao pher ke

vo to gayā bikher ke rañg-e-jumūd shahr meñ

mujh ko chalo na māntā naam to koī jāntā

maiñ bhī jo yaar chhāntā ḳhāk-e-numūd shahr meñ

mujh se vo kyā bichhaḌ gayā aur bhī maiñ ujaḌ gayā

chhoḌ ke mujh ko baḌh gayā merā vajūd shahr meñ

mujh se zamīn-e-zer-e-pā us ne jo chhīn lī to kyā

ḳham to nahīñ huā mirā ḳhatt-e-umūd shahr meñ

log ki jin ko tha bahut zom-e-wajud shahr mein

phail ke rah gae faqat surat-e-dud shahr mein

hum se jahan anek the bad the wahi ki nek the

sach hi to hai ki ek the bud-o-nabud shahr mein

tangi-e-rizq ka gila jin ko yahan sada raha!

toD ke dekhte zara apni hudud shahr mein

itne baras ke baad bhi log hain hum se ajnabi

jaane hua tha kis ghaDi apna warud shahr mein

rah-e-amal pe gher ke KHud ko hi lao pher ke

wo to gaya bikher ke rang-e-jumud shahr mein

mujh ko chalo na manta nam to koi jaanta

main bhi jo yar chhanta KHak-e-numud shahr mein

mujh se wo kya bichhaD gaya aur bhi main ujaD gaya

chhoD ke mujh ko baDh gaya mera wajud shahr mein

mujh se zamin-e-zer-e-pa us ne jo chhin li to kya

KHam to nahin hua mera KHatt-e-umud shahr mein