logo ye ajib saneha hai

logo ye ajiib sāneha hai

mujh meñ koī qatl ho rahā hai

kis kī hai talāsh kyā batā.eñ

apnā hī vajūd kho gayā hai

so.eñge azal meñ jā ke ham sab

duniyā to aziim rat-jagā hai

sach ko hai davām is jahāñ meñ

mujh se to yahī kahā gayā hai

marnā hai yahāñ bahut ġhanīmat

jiinā to muhāl ho chukā hai

degā vo zarūr sañg mujh ko

jis ne tujhe aa.ina kiyā hai

aa.ī hai tavīl hijr kī shab

ye dil sar-e-shām jal gayā hai

logo ye ajib saneha hai

mujh mein koi qatl ho raha hai

kis ki hai talash kya bataen

apna hi wajud kho gaya hai

soenge azal mein ja ke hum sab

duniya to azim rat-jaga hai

sach ko hai dawam is jahan mein

mujh se to yahi kaha gaya hai

marna hai yahan bahut ghanimat

jina to muhaal ho chuka hai

dega wo zarur sang mujh ko

jis ne tujhe aaina kiya hai

aai hai tawil hijr ki shab

ye dil sar-e-sham jal gaya hai