logon ne to samjha ki sahaaron pe khaDi hai

logoñ ne to samjhā ki sahāroñ pe khaḌī hai

is shāḳh-e-samar-dār pe saa.at ye kaḌī hai

ai karb-e-musalsal tū faqat itnā batā de

sāñsoñ kī chubhan hai ki tū ashkoñ kī laḌī hai

jaane kā irāda vo kiye baiThe haiñ ai dil

ab chhoḌ dhḌaknā ye qayāmat kī ghaḌī hai

chhoḌā thā jo ghar tum ne kabhī aa ke to dekho

har chiiz vahāñ aaj bhī vaise hī paḌī hai

ham hijr ke māroñ se bhalā kaise haTegī

mushkil kī to dīvār pe dīvār khaḌī hai

'iqrār' vo zinda hai magar mujh se bichhaḌ kar

sāñsoñ kī chubhan us kī bhī nas-nas meñ gaḌī hai

logon ne to samjha ki sahaaron pe khaDi hai

is shaKH-e-samar-dar pe saat ye kaDi hai

ai karb-e-musalsal tu faqat itna bata de

sanson ki chubhan hai ki tu ashkon ki laDi hai

jaane ka irada wo kiye baiThe hain ai dil

ab chhoD dhDakna ye qayamat ki ghaDi hai

chhoDa tha jo ghar tum ne kabhi aa ke to dekho

har chiz wahan aaj bhi waise hi paDi hai

hum hijr ke maron se bhala kaise haTegi

mushkil ki to diwar pe diwar khaDi hai

'iqrar' wo zinda hai magar mujh se bichhaD kar

sanson ki chubhan us ki bhi nas-nas mein gaDi hai