lutf ab aae na kyon anjuman-arai ka

lutf ab aa.e na kyoñ anjuman-ārā.ī kā

zarre zarre meñ hai jalva tirī yaktā.ī kā

dekhne se tan-e-ranjūr meñ jaan aatī hai

zindagī naam hai ai jaañ tirī zebā.ī kā

tere jalve ne kiyā donoñ jahāñ ko raushan

hausla baḌhne lagā chashm-e-tamāshā.ī kā

ishq ne zulfoñ ke mash.hūr kiyā saudā.ī

bol-bālā hai jahāñ meñ mirī rusvā.ī kā

chashmak-e-barq-e-fusūñ-gar hai ki ye husn-e-azal

bāġh-e-ālam meñ hai charchā tirī ra.anā.ī kā

munhasir dair pe ka.aba pe nahīñ kuchh dīdār

hausla chāhiye hai chashm-e-tamāshā.ī kā

chashm-e-bad-dūr tirā husn bhī hai ek e.ajāz

ki mukaddar hai yahāñ aa.ina bīnā.ī kā

le zarā is kī ḳhabar bahr-e-ḳhudā ai zālim

in dinoñ haal burā hai tire shaidā.ī kā

bandagī ho ga.ī maqbūl milī dil kī murād

mil gayā 'shād' sila tujh ko jabīñ-sā.ī kā

lutf ab aae na kyon anjuman-arai ka

zarre zarre mein hai jalwa teri yaktai ka

dekhne se tan-e-ranjur mein jaan aati hai

zindagi nam hai ai jaan teri zebai ka

tere jalwe ne kiya donon jahan ko raushan

hausla baDhne laga chashm-e-tamashai ka

ishq ne zulfon ke mashhur kiya saudai

bol-baala hai jahan mein meri ruswai ka

chashmak-e-barq-e-fusun-gar hai ki ye husn-e-azal

bagh-e-alam mein hai charcha teri ranai ka

munhasir dair pe kaba pe nahin kuchh didar

hausla chahiye hai chashm-e-tamashai ka

chashm-e-bad-dur tera husn bhi hai ek eajaz

ki mukaddar hai yahan aaina binai ka

le zara is ki KHabar bahr-e-KHuda ai zalim

in dinon haal bura hai tere shaidai ka

bandagi ho gai maqbul mili dil ki murad

mil gaya 'shad' sila tujh ko jabin-sai ka