luTa jaane walon ne

luuTā jaane vāloñ ne

yaad na aane vāloñ ne

kis pastī meñ ghasīT liyā

haath baḌhāne vāloñ ne

kar hī diyā dīvār ko dar

sar Takrāne vāloñ ne

sach bhī mujhe kahne na diyā

zahr pilāne vāloñ ne

kyā kyā DhūñDh nikālā hai

ḳhud kho jaane vāloñ ne

mujh ko chhīn liyā mujh se

aane jaane vāloñ ne

piiTh meñ ḳhanjar ghoñp diyā

gale lagāne vāloñ ne

dil ko sulagtā chhoḌ diyā

aag bujhāne vāloñ ne

kyā mafhūm nikālā hai

matlab paane vāloñ ne

jism kā ik ik bhed diyā

naam chhupāne vāloñ ne

ghar na kiyā dil meñ 'rāshid'

zehn meñ chhāne vāloñ ne

luTa jaane walon ne

yaad na aane walon ne

kis pasti mein ghasiT liya

hath baDhane walon ne

kar hi diya diwar ko dar

sar Takrane walon ne

sach bhi mujhe kahne na diya

zahr pilane walon ne

kya kya DhunDh nikala hai

KHud kho jaane walon ne

mujh ko chhin liya mujh se

aane jaane walon ne

piTh mein KHanjar ghonp diya

gale lagane walon ne

dil ko sulagta chhoD diya

aag bujhane walon ne

kya mafhum nikala hai

matlab pane walon ne

jism ka ek ek bhed diya

nam chhupane walon ne

ghar na kiya dil mein 'rashid'

zehn mein chhane walon ne