mabadon ki bhiD mein bujhte ye insani charagh

mā'badoñ kī bhiiḌ meñ bujhte ye insānī charāġh

kaash ḳhud meñ DhūñDh paate koī lā-fānī charāġh

sab dishāoñ se umaDtī āñdhiyoñ kā shor sun

kam nahīñ hogī abhī terī pareshānī charāġh

raushnī āñkhoñ kī le legā parī-zādoñ kā shahr

had to ye hai aur phailāte haiñ 'uryānī charāġh

us ne aa kar lau baḌhā dī ḳhvāhishoñ kī ek shab

maiñ ne pahlī baar dekhā aisā lā-sānī charāġh

dekhiye rūhoñ ko in se raushnī kitnī mile

rāt-din jalte haiñ jo masjid meñ jismānī charāġh

be-qarārī kā koī to hal nikalnā chāhiye

aa tujhe lipTā luuñ mere dushman-e-jānī charāġh

jalte jismoñ kī qatāreñ duur tak jaatī huiiñ

raushnī ke naam par har samt haivānī charāġh

bāġh-o-sahrā jis taraf jā.ūñ vahīñ maujūd tum

ik ḳhudā kī saltanat aur ek insānī charāġh

ma'badon ki bhiD mein bujhte ye insani charagh

kash KHud mein DhunDh pate koi la-fani charagh

sab dishaon se umaDti aandhiyon ka shor sun

kam nahin hogi abhi teri pareshani charagh

raushni aankhon ki le lega pari-zadon ka shahr

had to ye hai aur phailate hain 'uryani charagh

us ne aa kar lau baDha di KHwahishon ki ek shab

main ne pahli bar dekha aisa la-sani charagh

dekhiye ruhon ko in se raushni kitni mile

raat-din jalte hain jo masjid mein jismani charagh

be-qarari ka koi to hal nikalna chahiye

aa tujhe lipTa lun mere dushman-e-jaani charagh

jalte jismon ki qataren dur tak jati huin

raushni ke nam par har samt haiwani charagh

bagh-o-sahra jis taraf jaun wahin maujud tum

ek KHuda ki saltanat aur ek insani charagh