maal-e-dosti kahiye hadis-e-mah-washan kahiye

ma.āl-e-dostī kahiye hadīs-e-mah-vashāñ kahiye

mile dil se zarā fursat to dil kī dāstāñ kahiye

magar is ḳhāmushī se ahl-e-dil kā kuchh bharam to hai

jo kuchh kahiye to saarī umr kī mahrūmiyāñ kahiye

ġham-e-dil avvalīñ daur-e-tamannā kī amānat hai

naved-e-aish agar suniye nasīb-e-dushmanāñ kahiye

jo rakh le ḳhastagī kī sharm aisī barq rahmat hai

gire jo āshiyāñ se duur us ko be-amāñ kahiye

hamārā kyā hai nāseh ham use nā-mehrbāñ kah deñ

par aisā bhī to ho koī ki jis ko mehrbāñ kahiye

kisī se bhī na kahiye hāl-e-dil be-mehr duniyā meñ

yahāñ sab kuchh ba-andāz-e-hadīs-e-dīgarāñ kahiye

bas ab uThiye ki nañg-e-pursish-e-bejā qayāmat hai

kahāñ tak ek ik be-nām se nām-o-nishāñ kahiye

maal-e-dosti kahiye hadis-e-mah-washan kahiye

mile dil se zara fursat to dil ki dastan kahiye

magar is KHamushi se ahl-e-dil ka kuchh bharam to hai

jo kuchh kahiye to sari umr ki mahrumiyan kahiye

gham-e-dil awwalin daur-e-tamanna ki amanat hai

nawed-e-aish agar suniye nasib-e-dushmanan kahiye

jo rakh le KHastagi ki sharm aisi barq rahmat hai

gire jo aashiyan se dur us ko be-aman kahiye

hamara kya hai naseh hum use na-mehrban kah den

par aisa bhi to ho koi ki jis ko mehrban kahiye

kisi se bhi na kahiye haal-e-dil be-mehr duniya mein

yahan sab kuchh ba-andaz-e-hadis-e-digaran kahiye

bas ab uThiye ki nang-e-pursish-e-beja qayamat hai

kahan tak ek ek be-nam se nam-o-nishan kahiye