maal-e-jaur samjhe aur na anjam-e-wafa samjhe

ma.āl-e-jaur samjhe aur na anjām-e-vafā samjhe

na un kā mudda.ā jaanā na apnā mudda.ā samjhe

tum is mad.hosh ko kyoñ shākī-e-jaur-o-vafā samjhe

jo masrūf-e-duā rah kar na maqsūd-e-duā samjhe

zamāne meñ hazāroñ sūrateñ haiñ maut aane kī

hameñ kyoñ koī us kā kushta-e-teġh-e-adā samjhe

vafā kā tazkira bhī jurm hai kyā kyoñ bigaḌte ho

zarā socho to kyā maiñ ne kahā aur aap kyā samjhe

agar tū dasht-e-ġhurbat meñ mirā ho ham-safar nāseh

to rahzan to kujā reg-e-ravāñ ko rahnumā samjhe

jahāñ meñ be-niyāzī kī use shāneñ dikhānā haiñ

vo kyoñ pāband-e-fitrat ho vo kyoñ achchhā burā samjhe

kisī kī shoḳhī-e-barq-e-nazar kā hai ye ā.īna

'munīr' is iztirāb-e-dil ko mere koī kyā samjhe

maal-e-jaur samjhe aur na anjam-e-wafa samjhe

na un ka muddaa jaana na apna muddaa samjhe

tum is madhosh ko kyon shaki-e-jaur-o-wafa samjhe

jo masruf-e-dua rah kar na maqsud-e-dua samjhe

zamane mein hazaron suraten hain maut aane ki

hamein kyon koi us ka kushta-e-tegh-e-ada samjhe

wafa ka tazkira bhi jurm hai kya kyon bigaDte ho

zara socho to kya main ne kaha aur aap kya samjhe

agar tu dasht-e-ghurbat mein mera ho ham-safar naseh

to rahzan to kuja reg-e-rawan ko rahnuma samjhe

jahan mein be-niyazi ki use shanen dikhana hain

wo kyon paband-e-fitrat ho wo kyon achchha bura samjhe

kisi ki shoKHi-e-barq-e-nazar ka hai ye aaina

'munir' is iztirab-e-dil ko mere koi kya samjhe