mal-o-zar pas hai ye phir bhi KHaridar nahin

māl-o-zar paas hai ye phir bhī ḳharīdār nahīñ

tere ushshāq ko duniyā se sarokār nahīñ

tere had-darja taġhāful se ye maiñ samjhā huuñ

is jazīre kī fazā itnī milansār nahīñ

maiñ ne tanhā.ī ke jangal meñ bhaTak jaanā hai

saath le chaliye ki maiñ itnā samajhdār nahīñ

soch sāhil kī kināroñ kī bhī mujh jaisī hai

yaanī dariyā bhī samundar kā talabgār nahīñ

is meñ har lamha faqat amn-o-sukūñ hotā hai

ye merā dil hai tire shahr kā bāzār nahīñ

aur bhī log tirī baat se inkārī the

is ravayye kā faqat maiñ hī sazā-vār nahīñ

mere jaise bhī haiñ kuchh ziist ke Thukrā.e hue

har kisī ke liye ye zindagī gulzār nahīñ

haal ye shahr-e-ḳhamoshāñ kā nahīñ hotā thā

raat ke pichhle pahar koī bhī bedār nahīñ

jitnī ujlat meñ tirā hijr numū kartā hai

is qadar tez kisī chiiz kī raftār nahīñ

mal-o-zar pas hai ye phir bhi KHaridar nahin

tere ushshaq ko duniya se sarokar nahin

tere had-darja taghaful se ye main samjha hun

is jazire ki faza itni milansar nahin

main ne tanhai ke jangal mein bhaTak jaana hai

sath le chaliye ki main itna samajhdar nahin

soch sahil ki kinaron ki bhi mujh jaisi hai

yani dariya bhi samundar ka talabgar nahin

is mein har lamha faqat amn-o-sukun hota hai

ye mera dil hai tere shahr ka bazar nahin

aur bhi log teri baat se inkari the

is rawayye ka faqat main hi saza-war nahin

mere jaise bhi hain kuchh zist ke Thukrae hue

har kisi ke liye ye zindagi gulzar nahin

haal ye shahr-e-KHamoshan ka nahin hota tha

raat ke pichhle pahar koi bhi bedar nahin

jitni ujlat mein tera hijr numu karta hai

is qadar tez kisi chiz ki raftar nahin