mal uTha aur dukan Khaali kar

maal uThā aur dukān ḳhālī kar

ye zamān-o-makān ḳhālī kar

jā kahīñ aur kar shikār apnā

chhoḌ jañgal machān ḳhālī kar

jā kināre pe jā ke baiTh kahīñ

ai havā bādbān ḳhālī kar

ab kisī aur ko bhī baarī de

ai parinde uḌaan ḳhālī kar

raushnī ke liye jagah to banā

raat kā darmiyān ḳhālī kar

muntazir haiñ umīd-vār na.e

kamra-e-imtihān ḳhālī kar

dhuup saarī nikāl andar se

jism kā sā.ebān ḳhālī kar

giit ko apnī lai meñ uThne de

sur badal aur taan ḳhālī kar

koī achchhā suḳhan bhī lab par lā

shor-o-shar se zabān ḳhālī kar

jānib-e-koh chal tayaqqun se

dasht-e-vahm-o-gumān ḳhālī kar

tez rau haiñ musāfirān-e-adam

raah de pā.edān ḳhālī kar

aane vaale dinoñ kā qissa likh

sun chukī dāstān ḳhālī kar

gir chukī haiñ tamām dīvāreñ

ab to 'nāsir' makān ḳhālī kar

mal uTha aur dukan KHali kar

ye zaman-o-makan KHali kar

ja kahin aur kar shikar apna

chhoD jangal machan KHali kar

ja kinare pe ja ke baiTh kahin

ai hawa baadban KHali kar

ab kisi aur ko bhi bari de

ai parinde uDan KHali kar

raushni ke liye jagah to bana

raat ka darmiyan KHali kar

muntazir hain umid-war nae

kamra-e-imtihan KHali kar

dhup sari nikal andar se

jism ka saeban KHali kar

git ko apni lai mein uThne de

sur badal aur tan KHali kar

koi achchha suKHan bhi lab par la

shor-o-shar se zaban KHali kar

jaanib-e-koh chal tayaqqun se

dasht-e-wahm-o-guman KHali kar

tez rau hain musafiran-e-adam

rah de paedan KHali kar

aane wale dinon ka qissa likh

sun chuki dastan KHali kar

gir chuki hain tamam diwaren

ab to 'nasir' makan KHali kar