mamur-e-uns qalb-e-munawwar talash kar

māmūr-e-uns qalb-e-munavvar talāsh kar

labrez iltifāt se paikar talāsh kar

tujh ko jo de duā to ḳhudā rad nahīñ kare

aisā koī faqīr-o-qalandar talāsh kar

manzil se ham-kanār kare kārvāñ ko jo

aisā koī jahān meñ rahbar talāsh kar

bulbul ho fāḳhta ho ki shāhīñ ki baaz ho

sab mil ki uḌ sakeñ tū vo ambar talāsh kar

mushkil bahut hai phir bhī zamāne meñ ai 'zakī'

mehr-o-vafā-o-ḳhulq kā paikar talāsh kar

ġhavvās gar samajhtā hai ḳhud ko to ai 'zakī'

to bahr-e-fan meñ Duub ke gauhar talāsh kar

zulm-o-sitam to had se guzarne lage 'zakī'

amn-o-amāñ kā koī payambar talāsh kar

mamur-e-uns qalb-e-munawwar talash kar

labrez iltifat se paikar talash kar

tujh ko jo de dua to KHuda rad nahin kare

aisa koi faqir-o-qalandar talash kar

manzil se ham-kanar kare karwan ko jo

aisa koi jahan mein rahbar talash kar

bulbul ho faKHta ho ki shahin ki baz ho

sab mil ki uD saken tu wo ambar talash kar

mushkil bahut hai phir bhi zamane mein ai 'zaki'

mehr-o-wafa-o-KHulq ka paikar talash kar

ghawwas gar samajhta hai KHud ko to ai 'zaki'

to bahr-e-fan mein Dub ke gauhar talash kar

zulm-o-sitam to had se guzarne lage 'zaki'

amn-o-aman ka koi payambar talash kar