mamura-e-afkar mein ek hashr bapa hai

Raza Hamdani

mamura-e-afkar mein ek hashr bapa hai

Raza Hamdani

MORE BYRaza Hamdani

    ma.amūra-e-afkār meñ ik hashr bapā hai

    idrāk bhī insāñ ke liye turfa balā hai

    har naqsh agar terā naqsh-e-kaf-e-pā hai

    phir mere liye koī sazā hai na jazā hai

    hoñToñ pe hañsī sīnoñ meñ kohrām bapā hai

    dīvānoñ ne jiine chalan siikh liyā hai

    ab dasht-e-junūñ bhī jo simaT aa.e ajab kyā

    dīvāna koī le ke tirā naam chalā hai

    ik baar jo TuuTe to kabhī juḌ nahīñ saktā

    ā.īna nahīñ dil magar ā.īna-numā hai

    apnoñ se kabhī maut judā kar nahīñ saktī

    jo TuuT gayā haath vo siine pe dharā hai

    ham zauq-e-samā.at se haiñ mahrūm vagarna

    har qatra-e-shabnam meñ dhaḌakne sadā hai

    vo sāmne aa.e haiñ kuchh is turfa adā se

    ādāb mohabbat ke bhī dil bhuul gayā hai

    dhaḌkā ye lagā hai ki sahar aa.e na aa.e

    is ġham se sar-e-shām dil Duub rahā hai

    mamura-e-afkar mein ek hashr bapa hai

    idrak bhi insan ke liye turfa bala hai

    har naqsh agar tera hi naqsh-e-kaf-e-pa hai

    phir mere liye koi saza hai na jaza hai

    honTon pe hansi sinon mein kohram bapa hai

    diwanon ne jine ka chalan sikh liya hai

    ab dasht-e-junun bhi jo simaT aae ajab kya

    diwana koi le ke tera nam chala hai

    ek bar jo TuTe to kabhi juD nahin sakta

    aaina nahin dil magar aaina-numa hai

    apnon se kabhi maut juda kar nahin sakti

    jo TuT gaya hath wo sine pe dhara hai

    hum zauq-e-samaat se hain mahrum wagarna

    har qatra-e-shabnam mein dhaDakne ki sada hai

    wo samne aae hain kuchh is turfa ada se

    aadab mohabbat ke bhi dil bhul gaya hai

    dhaDka ye laga hai ki sahar aae na aae

    is gham se sar-e-sham hi dil Dub raha hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY