mana har shaKHs mere haq mein gawahi dega

maanā har shaḳhs mire haq meñ gavāhī degā

zulm-parvar jo vo Thahrā to sazā hī degā

kyā gumāñ thā mire ajdād ke raushan naamo

ye mirā daur tumheñ baḳht-e-siyah hī degā

tū hai ik ret muqaddar hai havā kī Thokar

phir bhalā kaun tujhe pusht-panāhī degā

mere jañgal kī bhī vus.at ko to dekhā hotā

ik diyā kyā mujhe anjām batā hī degā

maiñ to rūThā ki manāte hue dekhūñ us ko

kyā ḳhabar thī ki sitamgar vo bhulā hī degā

vaqt badlā to usī haath meñ hogā ḳhanjar

ye na soch jab bhī uThegā to duā hī degā

nā-ḳhudāoñ pe bharosa na Dubo de 'āmir'

qurb-e-sāhil jo tujhe degā ḳhudā hī degā

mana har shaKHs mere haq mein gawahi dega

zulm-parwar jo wo Thahra to saza hi dega

kya guman tha mere ajdad ke raushan namo

ye mera daur tumhein baKHt-e-siyah hi dega

tu hai ek ret muqaddar hai hawa ki Thokar

phir bhala kaun tujhe pusht-panahi dega

mere jangal ki bhi wusat ko to dekha hota

ek diya kya mujhe anjam bata hi dega

main to ruTha ki manate hue dekhun us ko

kya KHabar thi ki sitamgar wo bhula hi dega

waqt badla to usi hath mein hoga KHanjar

ye na soch jab bhi uThega to dua hi dega

na-KHudaon pe bharosa na Dubo de 'amir'

qurb-e-sahil jo tujhe dega KHuda hi dega