mana ki irade tere KHunKhaar bahut hain

maanā ki irāde tire ḳhuñḳhār bahut haiñ

is ahd ke fankār bhī ḳhud.dār bahut haiñ

kyoñ merī taraf lutf-o-ināyat kī nazar hai

hastī ke shifā-ḳhāne meñ bīmār bahut haiñ

tum jāoge bāzār to dekhoge tamāsha

zaḳhmoñ ke gulāboñ ke ḳharīdār bahut haiñ

yuuñ merī taraf sang-e-malāmat na uchhālo

is dahr meñ to sāhib-e-kirdār bahut haiñ

ab zulf-e-girah-gīr kī bāteñ na karo tum

ham ḳhud hī ġham-e-ishq se bezār bahut haiñ

sīñchā hai jinheñ de ke lahū apne jigar kā

aise mire dīvān meñ ash.ār bahut haiñ

mana ki irade tere KHunKHar bahut hain

is ahd ke fankar bhi KHuddar bahut hain

kyon meri taraf lutf-o-inayat ki nazar hai

hasti ke shifa-KHane mein bimar bahut hain

tum jaoge bazar to dekhoge tamasha

zaKHmon ke gulabon ke KHaridar bahut hain

yun meri taraf sang-e-malamat na uchhaalo

is dahr mein to sahib-e-kirdar bahut hain

ab zulf-e-girah-gir ki baaten na karo tum

hum KHud hi gham-e-ishq se bezar bahut hain

sincha hai jinhen de ke lahu apne jigar ka

aise mere diwan mein ashaar bahut hain