mana ki mere pyar ko patthar pasand tha

maanā ki mere pyaar ko patthar pasand thā

vo shaḳhs kyā huā jo baḌā dard-mand thā

shahr-e-sadā ko raat kisī ne jagā diyā

Duubā huā sā dard meñ vo kis kā chhand thā

kaise vo is jahān kī vus.at ko dekhtā

vo aa.ina jo apne hī kamre meñ band thā

kaase ko dard ke na milī chāñdnī kī bhiik

hālāñki merā chāñd bahut dard-mand thā

bhaḌkī lahū kī aag to andar se jal gayā

ehsās kā makān jo bāhar se band thā

dete haiñ daad gul tire āñchal ko thaam kar

kāñToñ kā hausla bhī ġhazab kā buland thā

jis ke gale meñ nisf sadī kī salīb thī

us lamhe kā to 'raaj bhī ehsānmand thā

mana ki mere pyar ko patthar pasand tha

wo shaKHs kya hua jo baDa dard-mand tha

shahr-e-sada ko raat kisi ne jaga diya

Duba hua sa dard mein wo kis ka chhand tha

kaise wo is jahan ki wusat ko dekhta

wo aaina jo apne hi kamre mein band tha

kase ko dard ke na mili chandni ki bhik

haalanki mera chand bahut dard-mand tha

bhaDki lahu ki aag to andar se jal gaya

ehsas ka makan jo bahar se band tha

dete hain dad gul tere aanchal ko tham kar

kanTon ka hausla bhi ghazab ka buland tha

jis ke gale mein nisf sadi ki salib thi

us lamhe ka to 'raj bhi ehsanmand tha